"O TAGLIANDO"


 

'O Tagliando

Spisso se sente 'e dicere:
che mala sanità!..
Invece a Telese,
doppo operato,
ô Salvatore Maugeri
t'accuorge ca nun' è verità.
E’ nu spitale  riabilitativo
de primma qualità - 
è na specialità!..
Ccà te mettono 'a pposto
capa, purmone 'e core
se fanno tutte onore
è comm' a na famiglia
na vera meraviglia.
Specie 'o reparto 'e cardiologia
capacità, mestiere e pulezzia
na bbona sanità... aggio truato!
Primario , miereche, terapiste, 'nfermiere
sò tutte missionarie... e faticano:
comme faceva Ippocrate,
'o papà d' 'a mmericina
cchiù e duimil'anne fa...
Insomma, ringrazianno a Ddio
facenno na degenza
pe na trentina 'e juorne
cu lli miereche attuorno
'o malato operato
sciancato e struppiato
doppo sfidato 'a morta
se sente sano, guarito cchiù forte
e quanno torna â casa...
ppo' gghì a ddì all' amice.
A Telese ô Maugeri:
v'haggio dì 'a verità?
M' hanno fatto 'o tagliando,
pe' cuntinuà a campà!

Ritorna ai titoli