"'A LAURA"


 

  A LAURA

Na vota a  vintun'anne
ireve maggiurenne
mò a diciott'anne jate ggià a vvutà
e p' 'a léggia nun site cchiù gguagliune!
Oggi te si' affacciata miez' â ggente matura
studia, nun te fermà
si' ppure tu 'o futuro
'e chesta società.
E' arrivato 'o mumento
d' accummincià a capì...
Siente 'e cunziglie
tiene ll'uocchie apierte
appizza bbone 'e rrecchie.
Nce sta nu ditto
ca nn'è mmaje falluto:
Chi 'nterra te vò bbene
cchiù de mammà e papà
nunn'è sincero ma te vò ngannà.
E ssì tiene pruggette
e vvuò addeventà grossa
mò mmò t'hê dà na mossa
ma affidannete a Ddio
ch'è 'o Pate e tutt' e Pate...
Sul' Isso e nisciun'ato
te dice 'a verità!

Ritorna ai titoli