"'A PIZZA"


 

Alla storica pizzeria Portalba
       
‘A pizza

E’ risaputo, a Napule,
‘a pizzeria Portalba !
và pe’ nnummenata, 
‘e pizzaiole…
songo uno meglio ‘e n’ato.
‘A pizza è ffine ‘e pasta!
Passanno pe’ Portalba, ll’aria,
è profumata ‘a ciento tipo ‘e pizze,
ll’addore è tentatore,
comm’ ‘o canto ‘e sirena,
pure si vaie ‘e presso
pe’ fforza t’ hè fermà,
e doppo nu minuto…
sulo o ‘ncumpagnia,
te truove miezo ‘e mmane
na margherita chiata a portafoglio.
Si tieno ‘o schiribizzo, oj nì,
nun ce penzà ddoie vote,
magnete ‘a pizza  ‘a tavulino,
miettece ‘ncoppo, provola e pummarola
e quatte fronna ‘e vasenicola.
Chesta è na magia sotto a stu porticato,
‘a nu mumento a n’ato,
‘a pizza fine ‘e pasta
cotta a vocca ‘e furno,
te leva ‘e male penziere ‘a capa…
e torna n’ata vota dint’ ‘o core
cchiù prepotente…
‘o bbene e ll’ammore.

               Ritorna ai titoli