"'A VICENZA"


 

'A Vicenza

Tutt' 'e male 'e chistu munno
e nepute te fanno passà.
I' ne tengo una 'e tre anne
Tene 'e capille nire
ll'uocchie celeste ca so'…
ddoje stelletelle
'na faccella culurata
'o mussillo pare pittato
quanno me vede se fà 'a resatella
e io addevento guagliunciello
'e mme metto 'a pazzià!
Si 'a vedita è 'na bambulella
me dà 'e vasille a pizzechille
e po' da luntano cu 'a manella
me salutà e me fa ccià.
Sta nennella è 'o frutto 'e ll'ammore
è dono 'e Ddio
è nnata p' 'a cuntinuità.
Ha purtato int' 'a famiglia
e a nuje nonne tanta felicità.
E i' quanno nun 'a veco
me vene 'a nustalgia,
pecchè i' 'a voglio bbene
comm' e figlie mie.

Ritorna ai titoli