"AMMUINA"


 

        Ammuina        

Dint' 'o core d' 'a nuttata
scrivenno m' addurmette
e mme sunnaje...
tanta ggente 'e strillazzà.
Io appartato a n'angulillo
me truvaje llà, justo pe' sentì
ma… tanto fòrte era 'o chiassuolo
ca poco poco  riuscette a capì.
Chi allucca  vò pe’ forza ragione
ma 'a mmuina
nun permette 'a cunuscenza
sì alluccammo tutte 'nzieme
nun deventa discussione
c' 'a mmuina e c' 'o bburdello
se cummoglia 'a virità. 
Ma 'o mistero d' 'o  criato
nunn'è  fatto 'e chisti mbruoglie
'o disegno è perfetto e nnuje
'o stamme 'arruvinà.         
Si guardammo cielo e mmare
se capisce 'e bellezze 'e chesta umanità.
Po' 'na voce mme scetaje...
e ncopp' 'o foglio steva scritto:
'o silenzio è importante
È nu ddono 'e Ddio!  

Ritorna ai titoli