" 'E FEMMENE"


 

'E femmene

'A Napule, se dice:
'a femmena 'e casa
nisciuno cchiù 'a vò fà.
Ma sentenno 'e rraggiunà
a tanta giuventù
jesce fòre 'o ppecchè!...
'O Senato 'o Parlamento
fanno cunferenze e riunione
e putiente d' 'o munno parleno...
ma nun se dà na mano
a cchì se vò spusà.
Nunn'è colpa d' 'e ffemmene
si nun ce stà 'o lavoro!...
'A famiglia è gghiuta nfunno
e s' è aizato 'o muro
all' ammòre e â dignità.
Nun ce stà cchiù futuro
e sse vò sulo giudicà
senza sapè, ll'ato
in che cundizione stà.
E allora...
nun s'adda dì cu facilità
'a femmena 'e casa
nisciuno cchiù 'a vò fà.

Ritorna ai titoli