"NONNE"


 

'E Nonne

Tant'anne fa 'e nonne campavano
nziem' ê figlie.
Se faceva comme dice 'o ditto antico:
"lietto stritto cuccate mmiezo".
quanno pate e mamma  nun ce stevano
erano lloro e maeste 'e vita.
'E nepute primma studiavano 
e pò  jevano a pazzià...
'E nonne èrano l'enciclopedia.
Mò ll’època è cagnata, e ccriature
cresceno cu ll'ate, o annànze â T.V.!...
'E nonne so' vviecchie, rrobba 'e scarto
nisciuno 'e ssente cchiù!
E ppo' dicimmo c' 'a vita è chiena 'e pena!
Ogge s'accide comme fosse niente
e 'o piccerillo fà chello ca vede
Si ‘e figlie nun 'e cresce chi 'e ffà
quanno so' gruosse nun teneno
timore 'e nisciuno... 
E allora diceva bbuono 'o nonno:
"Senza Ddio nun se po'campà."

Ritorna ai titoli