"LAZZARO"


 

Lazzaro

So' Lazzaro, l'antenato d' 'e scugnizze!
Pezzente straccione
ma allero e cianciuso
figlio pupulano 'e chesta Napule.
So' nato 'o mille e seiciento
pe' dono 'e tutte quante.
'E cu gran filosofia dico:
so' Lazzaro puzzulento!..
Ma 'nfaccio 'e ccose storte...
nun resto 'ndifferente
nun me faccio abbabbià.
Pe' tasse 'e cchiù ncopp' 'o magnà
affronto pure 'a morte...
e nzieme a Masaniello, cu dignità
faccio 'a rivoluzione contro 'o vicerè
pe' putè meglio campà.

Ritorna ai titoli