"Maesta 'e vita"


 

Maesta  'e  vita

Ô Vommero e miezo Antignano
jevemo a fa' 'a spesa...
tu me purtave nzieme a te
miez' 'a gente e dint' 'a folla accattàve.
Guagliunciello, nu poco cchiù 'e diece anne
guardavo 'e borze chiene
tu me mettive nterra sotto 'e coscie
e po' cu 'a voce doce mme dìcive:
"nun te movere 'a ccà"
Mamma 'e otto figlie
faciva 'a spesa... p' 'a famiglia
a mercato quase fernuto
e sotto 'o sole ive accattà
pe' fa' 'e scampule e sparagnà.
Tutta surata e stanca mme dicive:
"guagliò te vuò magnà quaccosa?
Vuò 'a  pizza fritta o dduie  panzarotte?
che vuò, dillo a mammà."
Criaturiello, venevo 'nzieme 'a  te
senza sapè ca tu...
ire maesta 'e vita  pe' me.

Ritorna ai titoli