"NA MAMMA SENZA CORE"


 

Na mamma senza core

Mammà comm' è pututo fà
a t'annascònnere int' 'a panza
'o frutto 'e ll'ammore...
fatto nun sulo 'e fantasia.
Dint' 'o scuro d' 'a cella
‘o figlio tujo d' 'o cielo te sta' parlanno
no'  pe' tu cundannà...
ma pe' fa' sapè all’umanità
ca 'e  figlie  so'  dono 'e Ddio.
è so' criate p' 'a cuntinuità!..
I' so' stato 'e casa affianco 'o core tujo 
pe' nove mise...
zucanne 'a  te ero cuntento
ma mentr' i' nascevo
dint' 'a 'stu core tujo 'o riaulo é trasuto
e m' ha luvat' 'o diritto 'e putè campà.
Mammà!.. Sto dispiaciuto
mò tiene rimorzo e chiagne
pecchè mò staje cchiù sola 'e primma
ncopp' 'a  'sta  terra
suffrenn' 'e ppene d' 'a malvagità.
Ormaje chello ch' è fatto è fatto...
mò, nun te  preoccupà... Papà celeste
c' 'o purtone d' 'o paraviso apierto
steve a' m' aspettà...e mò sto ccà
'nzieme a Ddio pe' ll'eternità!

Ritorna ai titoli