"'O PRUGRESSO"


 

'O Prugresso

 

Doppo trent'anne
'a fabbrica ha chiuso
'o padrone, cu 'na manovra
ha saputo licenzià e mò…
l’operaio, pato 'e figlie
a cinquant’anne sfruttato
nun pò piglià 'a pensione
e  allora comme fà?...
Addà accummincià d' 'o capo!
Ma chi sò piglia 'a faticà?
So' gghiuto 'o sinnacato pe' capì
e cu filosofia me sento 'e dì...
comm'è, vuje nun 'o sapite?...
C' 'a grossa industria...
s' ha magnata ‘a piccerella.
E mò 'o prudotto nun serve cchiù
nunn'è  cumpetitivo p' 'o mercato
p' 'o prugresso e 'a civiltà.
Io allora nquartanneme nu poco
haggio risposto, stasera...
a muglierema nun lle pozzo dì...
ca so' legge d'e mercato, Pecchè?
'E fìglie 'a sera aspettano
e vonno magnà. Scusate...
ve voglio dì ancora 'na parola
pe' mmè chest'è 'na scusa...
nunn'è 'o prugresso!...
"E' sulo cattiveria e 'nfamità".

Ritorna ai titoli