"O' SALOTTO"


 

‘O SALOTTO

Nu juorno d’ ‘o tiempo passato
liggenno ‘o ggiurnale a primma matina
fermaje ‘o sguardo ncopp’ ‘o taccuino.
A dì ‘a verità me ‘ncuriosette…
mò ca nce penzo, era proprio ‘o “Matino”.

Premio Internazionale ‘e puisia
saggistica, narrativa, pittura e fotografia,
fundatrice ‘a puitessa Tina Piccolo,
patrocinato d’ ‘o comune d’ ‘a Città
‘e Pummigliano d’Arco,
cu l’alta adesione d’ô Presidente
d’â Repubblica Italiana.

Subbeto, senza ‘nce penzà doje vote
facette ‘o cuncorso e fuje premiato…
‘a verità restaje ‘e stucco, ih che surpresa!...
Dint’ ‘a sala consigliare ‘e Pummigliano,
‘o juorno d’ ‘o premio pareva ‘nu teatro,
musica, danza, puisia e canzone
e mieze a tante Artiste ‘e valore
‘nu bellu premio jette a ritirà.

N’amico pueta ca llà ‘ncuntraje
‘o salotto Artistico – Culturale
‘e Tina Piccolo me ‘nvitaje.
Dicette “ Viene, nun ce stanno cumplotte”.
Timuruso, cumpreso, fuje accolto in famiglia,
è ‘n’ambiente pe’ tutte, d’Artiste e Dotte,
se parla, se ride e se fà cultura,
ma ‘a cosa essenziale, nun te siente maje sulo

                                   
               Ritorna ai testi