"'O'TRAMONTO"
'O Tramonto
'O sole cucente
brilla ncopp' 'a ll'onne.
'O mare ricamato d' 'o viento
porta ncopp' 'a scugliera
prufumo e sentimento!
Nuje nce tuffammo
int' a st'acqua cristallina
comm' a duje guagliuncielle
nnammurate.
'O sole, a poco a poco
è sciso 'a mare
'o cielo è addeventato russo
s'è culurato d'e culure chiù belle...
ca maje pittore po' pittà.
Nuje... 'ncantate senza parole
restamme a guardà
'sta scena 'e paraviso
e cu l'uocchie dint' 'a ll'uocchie
astrignute forte
nce giurammo ammore
comm' a tant'anne fa.